كيكة السمك

موضوع: كيكة السمك الخميس مارس 17, 2011 3:25 pm

المقادير:

1/ 2 كيلو سمك فيليه
1/ 2 كيلو بطاطس مسلوقة ومهروسة
ملعقة كبيرة شبت مفروم
ملعقة صغيرة بشر ليمون
ملعقة كبيرة عصير ليمون
2 عود كرفس مفروم
بصلة صغيرة مفرومة
2 فنجان بقسماط
1/ 2 كوب دقيق
ملح وفلفل أسود
فنجان لبن
2 بيضة
زيت

الطريقة:
1- افرمي السمك وضفيه على البطاطس المهروسة، ومعاه البصل والكرفس والشبت وبشر الليمون وعصير الليمون، وتبّليهم بالملح والفلفل الأسود، وقلّبيهم كويس أوي مع بعض، لغاية ما يبقى الخليط متماسك مع بعضه.

2- شكّلي من الخليط ده كور أو فطاير صغيرة على حسب الشكل اللي تحبيه، وحطّيها في الثلاجة لمدة نصف ساعة.

3- اضربي اللبن والبيض مع بعض في طبق صغير، وضيفي عليهم فلفل أسود.

4- بعد كده حطّي كور السمك في الدقيق، وبعدين اغمسيه في خليط البيض واللبن وآخر حاجة في البقسماط، وممكن تسيبي الكور شوية علشان تهدى وتتماسك مع طبقة البقسماط اللي عليه، علشان ماتفكش منك وإنت بتحمّريها.

5- حمّري كور السمك في زيت غزير ساخن على الجانبين لحد ما يبقى لونها ذهبي، وقدّميها..
وبالهنا والشفا

موضوع: رد: كيكة السمك الخميس مارس 17, 2011 4:15 pm

يلا ومبروك عالنساء الأكل وبالهنا والشفا

الرجال يقدموا المواصفات والمقادير

والنساء تعمل عالجاهز

عشنا وشوفنا

ربنا يستر لو حد من النساء شاف كلامى حيولعوا فيا

هههههههههههههههههههههههههههههههههههههه

شكرا يا حبيبى وبارك الله فيك

موضوع: رد: كيكة السمك الجمعة مارس 18, 2011 1:37 am

احنا الرجال نكتب الوصفة وناكل على الجاهز

وكمان مستكترين على نفسنا حتى الوصفة , دا احنا اخر افتراء

وربنا يعين نسائنا علينا ويجازيهم عنا خيرا :: المفروض انى استخدم نون النسوة بس سامحونى

ربنا يخليك يا ابو حميد

موضوع: رد: كيكة السمك الأحد مارس 27, 2011 4:31 pm

لا وفي اغلب الاحيان ما بنقدم حتى الوصفه بناكل على الجاهز وكمان بناعد ونتامر ليه الاكل مفيهوش ملح ليه الملح زياده الله يعين النساء علينه ههههههههههههههههههههههههههه